महाराष्ट्र राज्य निवडणूक आयोगाने आगामी निवडणुकांच्या पार्श्वभूमीवर नवीन प्रारूप मतदार यादी प्रसिद्ध केली आहे. अंतिम मतदार यादी तयार होण्यापूर्वी तुमचे आणि तुमच्या कुटुंबाचे नाव मतदार यादीत आहे की नाही, हे तपासणे अत्यंत आवश्यक आहे.
खालील सोप्या स्टेप्सद्वारे ऑनलाईन यादीत नाव कसे तपासायचे आणि आवश्यकता असल्यास दुरुस्ती कशी करायची ते जाणून घ्या:
ऑनलाईन मतदार यादीत नाव तपासण्याची पद्धत (Step-by-Step)
- अधिकृत पोर्टलला भेट द्या: तुमच्या मोबाईल किंवा संगणकावर निवडणूक आयोगाच्या अधिकृत संकेतस्थळावर (voters.eci.gov.in) जा.
- ‘Search in Electoral Roll’ निवडा: होमपेजवर दिलेल्या नाव शोधाच्या पर्यायावर क्लिक करा.
- शोधण्याचा पर्याय निवडा:
- विवरणाद्वारे (Search by Details): नाव, वडिलांचे/पतीचे नाव, वय, राज्य, जिल्हा व विधानसभा मतदारसंघ निवडून शोधा.
- EPIC द्वारे (Search by EPIC): तुमच्या मतदार ओळखपत्र क्रमांकाद्वारे (EPIC Number) थेट शोधा.
- कॅप्चा प्रविष्ट करा: स्क्रीनवर दिसणारा Captcha कोड भरून ‘Search’ बटनावर क्लिक करा.
- यादी तपासा: तुमचे नाव स्क्रीनवर दिसेल. तुम्ही तुमच्या नावाची संपूर्ण माहिती व पोलिंग स्टेशनचा तपशील PDF स्वरूपात डाऊनलोड करू शकता.
महत्त्वाच्या तारखा (Important Dates)
- दावे व हरकती नोंदवण्याची मुदत: ३० सप्टेंबर २०२६ पर्यंत.
- हरकती व सूचनांचा निपटारा: २९ ऑक्टोबर २०२६ पर्यंत.
- अंतिम मतदार यादी प्रसिद्ध होण्याची तारीख: ४ नोव्हेंबर २०२६.
नाव नसल्‍यास किंवा दुरुस्ती असल्यास काय करावे?
- नवीन नाव नोंदणी: जर यादीत नाव नसेल, तर ३० सप्टेंबर २०२६ पूर्वी Form 6 भरून ऑनलाईन किंवा बीएलओ (BLO) कडे अर्ज करा.
- दुरुस्ती करणे: नावात, पत्त्यात, वयात किंवा फोटोमध्ये बदल करायचा असल्यास Form 8 द्वारे हरकत किंवा दुरुस्ती अर्ज दाखल करा.