प्रधानमंत्री आवास योजना (ग्रामीण) अंतर्गत घरकुल २०२६ साठी अर्ज करण्याची प्रक्रिया सुरू असून ही शेवटची संधी आहे. ग्रामीण भागातील बेघर व कच्च्या घरात राहणाऱ्या कुटुंबांना पक्के घर बांधण्यासाठी सरकारकडून आर्थिक मदत दिली जाते.
घरकुल अर्ज कसा व कुठे करावा? (Step-by-Step)
- फॉर्म मिळवणे: तुमच्या गावातील ग्रामपंचायत कार्यालयातून घरकुल अर्जाचा नमुना मिळवा.
- माहिती भरणे: अर्जात ग्रामपंचायतीचे नाव, तालुका, जिल्हा आणि अर्जदाराचे पूर्ण नाव, पत्नीचे नाव, कुटुंबातील सदस्यांचा तपशील (वय, व्यवसाय, नाते) अचूक भरा.
- विषय लिहा: “प्रधानमंत्री आवास योजना (ग्रामीण) नवीन घरकुल यादीत नाव समाविष्ट करण्याबाबत अर्ज.”
- अर्ज जमा करणे: भरलेला अर्ज आणि आवश्यक कागदपत्रे ग्रामसेवक, सरपंच किंवा ग्रामपंचायत प्रशासकाकडे जमा करून पोचपावती घ्या.
आवश्यक कागदपत्रे
- आधार कार्ड
- बँक पासबुक (आधार सीडेड / DBT ॲक्टिव्ह)
- मनरेगा जॉब कार्ड (MGNREGA)
- रेशन कार्ड
- सध्याच्या कच्च्या घराचे / झोपडीचे फोटो
योजनेअंतर्गत किती व कशी मदत मिळते?
घरकुल बांधकामासाठी लाभार्थ्याला विविध टप्प्यांत एकूण सुमारे ₹२,१०,००० पर्यंतची मदत मिळते:
- केंद्र सरकारचे अनुदान: ₹१,२०,०००
- राज्य सरकारचे अतिरिक्त अनुदान: ₹५०,०००
- मनरेगा (रोजगार हमी) मजुरी: सुमारे ₹३०,००० ते ₹३५,०००
- स्वच्छ भारत मिशन (शौचालय): ₹१२,०००
- सोलर सिस्टीम अनुदान: ₹१५,०००
महत्त्वाचा नियम: वडिलांना घर मिळाले असल्यास मुलाला लाभ मिळेल का?
- होय, लाभ मिळू शकतो. जर मुलाचे लग्न झाले असेल, तर रेशन कार्ड एकच असले तरी त्याचे कुटुंब स्वतंत्र मानले जाते. त्यामुळे आई-वडिलांना आधी लाभ मिळाला असला तरी विवाहित मुलगा स्वतंत्र घरकुलासाठी अर्ज करू शकतो.